Salaminfo.AZ: MTN təhlükəli qrupu zərərsizləşdirib

MTN təhlükəli qrupu zərərsizləşdirib
================================================================================
salaminfo.az  on 02/09/2010/ 08:10
 
Müdafiə Nazirliyinin N saylı hərbi hissəsinin  çağırış üzrə hərbi
xidmətdə olan hərbi qulluqçularının  qəsdən öldürülməsində və odlu
silahla güllə yarası xəsarəti yetirilməsində, eləcə də hərbi
hissəyə məxsus odlu silahların talanmasında təqsirli bilinən Azərbaycan
vətəndaşları tutulublar. Milli Təhlükəsizlik Nazirliyinin və Baş
Prokurorluğun birgə yaydığı məlumatda bildirilir ki, 2008-ci il dekabrın
26-da  saat 03:25 dəqiqədə  Tərtər rayonu ərazisində dislokasiya olunmuş
 Müdafiə Nazirliyinin N saylı hərbi hissəsinin kəşfiyyat tağımının
əsgəri Xaşayev Üzeyir Elşad oğlunun qəsdən öldürülməsi, həmin
tağımın kiçik çavuşu Şeyubov İslam Şeyub oğluna  odlu silahla güllə
yarası xəsarəti yetirilməsi və hərbi hissəyə məxsus odlu silahların
talanması faktına görə  Milli Təhlükəsizlik Nazirliyi tərəfindən
zərərsizləşdirilmiş  «Sumqayıt camaatı» adlı silahlı birləşmənin
tərkibində olan  «Sahil camaatı» adlı  daha bir silahlı qrupun üzvləri
tutulub. Onların evindən  müxtəlif növ silah-sursat aşkar edilərək
götürülüb. Hazırda faktla bağlı cinayət  işinin istintaqı aparılır.
Hüquqa zidd əməllərin digər iştirakçılarının ifşası üçün 
istintaq hərəkətləri və əməliyyat-axtarış tədbirləri davam etdirilir.
itv.az