Salaminfo.AZ: Ermənistan parlamenti Dağlıq Qarabağın tanınması məsələsini müzakirə edəcək

Ermənistan parlamenti Dağlıq Qarabağın tanınması məsələsini müzakirə
edəcək
================================================================================
salaminfo.az  on 02/09/2010/ 11:03
 
Ermənistan parlamentinin “İrs” fraksiyası spiker Ovik Abramyana
“Dağlıq Qarabağ Respublikası”nın tanınması barədə qanun
layihəsinə növbədənkənar baxılması ilə bağlı müraciət edib. Qanun
layihəsinin 1-ci maddəsində bildirilir ki, Ermənistan “Dağlıq Qarabağ
Respublikası”nın müstəqilliyini tanıyır.
Ermənistan parlamentinin reqlamentinə görə, qanun layihəsi müzakirə
edilmədən parlamentin müzakirəsinə çıxarılacaq və oktyabrın 5-də saat
14.30-dan 16.30-dək deputatların müzakirəsinə veriləcək.
Qeyd edək ki, “İrs” fraksiyasının deputatları qanun layihəsini ötən
il oktyabrın 15-də parlamentə təqdim ediblər. Lakin layihənin parlamentin
xarici əlaqələr daimi komissiyasında müzakirəsi və sessiyaya
çıxarılması ləngiyirdi. ANS PRESS