Korlar görməyə başlayacaq... dilin köməyi ilə

Dil sinirləri olduqca həssasdırlar deyə, naqil qismində məhz onlar seçiliblər

Amerikalı alımlər kor insanların görmə qabiliyyətini qismən bərpa edən yeni texnologiya icad ediblər. Bunun üçün dil sinirlərindən istifadə olunacaq. Yeni qurğuya “Breyn Point” adı verilib.  

İnsanın göz deyil, beyin vasitəsi ilə görməsi barədə fikiri ilk dəfə 1960-cı illərdə neyrocərrah Pol Bax-i-Rit səsləndirmişdi. Alimlərin yeni icadı – “Breyn Point” isə bu fikri təsdiqləyib. Beləki, cihaz eynək formasındadır. Eynək işığı zəbt edib xüsusi miniatür qurğulara məlumat ötürür. Həmin miniatür qurğu işıq dalğalarını elektik siqnallara çevirir və nazik kabellərlə dilə ötürür. 

Dil sinirləri olduqca həssasdırlar deyə, naqil qismində məhz onlar seçiliblər. Dil vasitəsilə gözdən beyinə gedən 2 milyon optik sinirləri qismən əvəz etmək olar. Odur ki, dil “Breyn Point”dən aldığı siqnalı beyinə ötürür, beyin isə həmin siqnalları görüntüyə çevirir. “Scientific American” jurnalı yazır ki, eksperiment zamanı kor insanlar yeni cihaz vasitəsilə qapını, lift düyməsini, hətta hərifləri görə biliblər.

Salaminfo.az